Banksaken regelje by in skieding

Rekkens ferdiele

As jim ien of mear mienskiplike rekkens hawwe, is it belangryk om dêrby stil te stean by de skieding. Oer it algemien binne der twa opsjes as jimme mei-inoar in betelle -, spar -, of belizzingsrekken hawwe. Jim kinne de rekken(en) oersette nei ien fan jimme, of de rekken(en) opsizze (en eventueel in nije iepenje).

As ien fan jimme de rekken hâldt, is it belangryk datst de automatyske ynkasso’s delrinst. Eventueel kinst in oantal stopsette of oersette op in oare rekken. It is ek wichtich om de ynlochgegevens fan it ynternetbankierjen te feroarjen, sadat allinnich dejinge fan wa’t de rekken is, ynlogge kin.

Creditcard

Ha jim tegearre in creditcard? Dan is de maklikste opsje om dy op te sizzen en sels in nije oan te skaffen. Ha jimme tegearre in creditcard, mar stiet der mar ien fan jim nammen derop? Dan kin dejinge wêrfan de namme derop stiet de creditcard hâlde, of it moast wêze dat der fansels wat oars ôfpraat wurdt.

Hypotheek en oare lieningen

By in skieding is it ek wichtich om ôfspraken te meitsjen oer lieningen. Sa hawwe jim faaks wol mei-inoar in hûs kocht mei in hypoteek, of binne der oare mienskiplike lieningen. Ynformaasje oer de hypoteek by in skieding fynst op ús side oer wenjen.

Neist de hypoteek hawwe jim miskien wol oare lieningen. Tink bygelyks oan in liening foar in ferbouwing, keapje op ôfbetelling fan bygelyks webshops of it leasen fan guod. Mar ek read stean falt ûnder lieningen. Gean de lieningen bydel en sjoch wa’t wêr ferantwurdlik foar is.

Neist boppesteande banksaken binne der ek noch oare finansjele saken dy’tst regelje kinst (of moatst). In oersjoch fan de belangrykste saken fynst op ús side mei finânsjes.