Fersekeringen regelje by in skieding

Wêr begjin ik?

Om te begjinnen mei it regeljen fan je fersekeringen is it handich om in oersjoch te meitsjen fan hokker fersekeringen ast allegear hast. Bepaal dêrnei per fersekering wat der barre moat. Moat bygelyks de namme wizige wurde of it adres, of wolst de fersekering stopsette of oanpasse. Sjoch by de fersekeringen nei dizze punten: op wa syn namme de fersekering stiet, fan hokker rekken de fersekering betelle wurdt en oft de fersekering nei de skieding noch by dyn situaasje past.

Libbensfersekeringen

Faak hawwe (eks)partners ferskate libbensfersekeringen. Foar libbensfersekeringen jilde aparte regels, omdat soks faak te krijen hat mei de hypoteek, it pensjoen en oare saken. Soms kieze minsken der nei in skieding foar om it jild fan in libbensfersekering útbetelje te litten, of wurdt de fersekering yn twaen splitst as jim de preemje tegearre betellen. Sjoch op de webside fan dyn fersekerder foar de ynformaasje oer dyn libbensfersekering.

Skeafersekeringen

Skeafersekeringen foar dyn hûs of auto binne meastal makliker oan te passen as in libbensfersekering. By in fersekering foar skea oan hûs of auto hoege je soms sels allinnich in namme te feroarjen. De punten dêr’t je goed om tinke moatte binne:

• It bedrach, bygelyks fan je ynboedelfersekering. Ast nei de skieding allinnich wennest, is de kâns grut dat de wearde fan dyn guod minder is.
• Fersekeringen dy’tst foar de hiele húshâlding ôfsletten hast, lykas in rjochtsbystânsfersekering of oanspraaklikheidsfersekering. Ast nei de skieding allinnich wennest, dan hoechst dy net mear foar dyn hiele húshâlding te beteljen.
• De autofersekering. Dy moat oanpast wurde as je situaasje feroarje, bygelyks as je de auto hâlde, wylst de fersekering op de namme fan je (eks) partner stiet. Of ast (eks) partner de auto hâldst, mar de fersekering fan de mienskiplike rekken waard betelle.

Soarchfersekering

As je skiede, moatte je ek in aparte soarchfersekering hawwe. It is dêrom wichtich datst de skieding trochjoust oan dyn soarchfersekerder. Hast bern dy’t meifersekere binne? Dan bliuwe de bern meifersekere op de poalis fan dejinge dêr’t de bern it measte wenje.

Tip: dit is in goed momint om al dyn fersekeringen ris goed te besjen. Miskien kinne guon fersekeringen wol in stik goedkeaper of kinst gebrûk meitsje fan pakketkoarting troch dyn fersekeringen te bondeljen by ien maatskippij.