Ofspraken oer de wenning by in skieding

Meitsje ôfspraken oer de keapwenning

As jim tegearre in keaphûs hawwe, moatte dêr tidens de skieding ôfspraken oer makke wurde. Jim kinne der bygelyks foar kieze om it hûs te ferkeapjen, of ien fan jim bliuwt der wenjen en keapet de oar út. Beide opsjes hawwe foar – en neidielen. Alles oer dizze karren om it keaphûs hinne fynst op ús side oer keapwenten.

Ofspraken meitsje oer it wenplak fan de bern

Wêr’t de bern nei de skieding wenje, hinget ôf fan de ôfspraken dy ‘t jim meitsje en fêstlizze yn it âlderskipsplan. Mei ko-âlderskip wenje de bern sawat likefolle by beide âlden, mar it kin fansels sa wêze dat jim dêr oare ôfspraken oer makke hawwe. Yn alle gefallen is it wichtich om nei te tinken oer op hokker adres de bern ynskreaun steane. Dit kin nammentlik gefolgen hawwe foar taslaggen en bernetaslach. Mear ynformaasje oer de ynfloed fan it saneamde haadferbliuw fan de bern op de finânsjes fynst op de webside fan de Belestingtsjinst.

Wolst dyn bern net ferhúzje litte?

Dan kinst tinke oan birdnesting. Dan bliuwe de bern yn it âlderlik hûs en wikselje de âlden inoar ôf. Lês der mear oer op de webside fan De Nationale Adviesbalie.