In hierwenning ferdiele by in skieding

As jimme tegearre yn in hierwenning wenje, kin immen der dan nei de skieding bliuwe? En wêr giet de oar dan hinne? De ferdieling fan in hierwenning by in skieding is meastal makliker as dy fan in keaphûs. In hierhûs is nammentlik gjin besit fan ien fan de partners. Ek as it hierkontrakt op ien namme stiet is de partner automatysk meihierder. Je hawwe dan beide likefolle rjochten om yn it hûs te bliuwen.

Op dizze side fynst ynformaasje oer:

Dyn rjochten as haad – of meihierder
Sosjale hier
It finen fan in nije hierwenning

Bist haad- of meihierder?

Om út te meitsjen wa fan jimme ferhúzje sil, is it wichtich om te witten wa’t de haadhierder fan jim wenning is. Dit kinst sjen yn dyn hierkontrakt. Stiet it kontrakt op dyn namme? Dan bisto de haadhierder. Stiet it kontrakt net op dyn namme, mar binne jim wol troud of hawwe jim in registrearre partnerskip? Dan bist automatysk meihierder.

Asto de haadhierder bist en do ek yn’e wenning wenjen bliuwst, dan hoecht it kontrakt net oanpast te wurden. Moatst dan wol efkes melde by de ferhierder datst tenei allinnich wennest. Asto meihierder bist, en do yn’e wenning wenjen bliuwst, dan moat it kontrakt wol oanpast wurde. Moatst dan skriftlik oan de ferhierder melde datst allinnich wennest, en dyn (eks partner (en dus haadhierder) moat de hier opsizze. Wolst mear ynformaasje hawwe, komst der net hielendal út of steane jim beide op it hierkontrakt? Op de webside fan it Juridysk Loket fynst alles oer hieren nei in skieding:

Mear oer in hierwenning by in skieiding

Sosjale hier nei de skieding

Silst nei de skieding ferhúzje? Miskien komst wol yn oanmerking foar in sosjaal hierhûs. Sosjale hier betsjut dat der in grins sit oan de hier. De hier mei dêrmei nea heger wêze as in bepaald bedrach. Dêrneist hast by sosjale hier rjocht op hiertaslach. Oft je yn oanmerking komme foar in sosjaal hierhûs is ôfhinklik fan de gearstalling fan je gesin en je ynkommen. Benijd oftst yn oanmerking komst foar sosjale hier? Sjoch ris op de webside fan de Ryksoerheid.

Hoe komst yn oanmerking foar sosjale hier