As dyn bern skiede sil is dat emosjoneel foar in soad belutsenen. Foar de omjouwing kin it yngewikkeld wêze. De situaasje freget faak om karren fan dy as pake of beppe. Wolst dêr de goede kar yn meitsje, mar hoe dochst dat yn it belang fan dyn bern en fan dyn pake- of beppesizzers?
Op dizze side fynst ynformaasje oer:
In skieding jout faak in soad feroaringen. It is in emosjonele faze wêryn’t ek fan dy as pake of beppe in soad frege wurdt. Hoe bepale je hjiryn je eigen posysje, hokker rol meie je hjiryn oannimme? En wat as it kontakt mei dyn bernsbern of skoanfamylje hjirtroch ôfnimt?
It kin helpe om hjiroer mei in neutraal persoan te praten en advys te krijen. It besef dat in skieding nei in skoft yn rêstiger farwetter komt, kin somtiden ek stipe biede.
Foar dyn bernsbern is de skieding in drege perioade mei in soad ûnrêst. It is dêrom geweldich moai asto hjiryn in stabile faktor wêze kinst. In plak fan rêst, dêr’t it bern gewoan noch bern wêze kin. Dit kinsto dêrfoar dwaan:
Foar dyn bern feroaret der in soad, mar asto boppe it konflikt stiest, bist in wichtige stipepylder yn it libben fan dyn pake- of beppesizzers.
Nei in skieding wurdt it kontakt somtiden minder tusken pakes en beppes en bernsbern. Yn guon gefallen is der in skoftke net folle of gjin kontakt. Soms wurdt it kontakt folslein ferbrutsen. Dit kin in behoarlike ympakt hawwe. Gefolgen foar pake en beppe én de bernsbern.
Mocht it kontakt kompleet ferbrutsen wêze, dan soene je besykje kinne kontakt te krijen. Sjoch bygelyks oftst online profilen fan dyn bernsbern fine kinst, stjoer se op wichtige mominten lykas diplomearringen in kaartsje en bliuw besykjen it kontakt te werstellen.
Ik mocht beppe net sjen, de kadootsjes dy’t se stjoerde waarden weromstjoerd, mar se tocht wol oan my.
Thom
Der binne meardere redenen wêrom’t grutâlden harren bern net mear sjogge. In skieding is hjir ien fan. Yn de útstjoering ‘Je kleinkind nooit meer zien’ fan it telefyzjeprogramma Hollandse zaken, sjogge je hoe’t oare pakes en beppes omgean mei dit gemis.
As grutâlder hast net automatysk of wetlik rjocht op kontakt mei dyn bernsbern. Wol kinne je as âlden de omgong mei pake en beppe fêstlizze yn in âlderskipsplan. Dêryn wurdt beskreaun hoe’t de relaasje mei de oare famyljeleden der tidens of nei de skieding útsjen sil.
Kinst as pake en/of beppe nei de rjochter gean om te freegjen om in omgongsregeling mei de bernsbern ,en dy der hurd foar meitsje. De praktyk wiist lykwols út dat dit frijwat selden tawiisd wurdt. In rjochter soe dit oplizze kinne, mar dêrfoar moatte je wol oan bepaalde betingsten foldwaan.
Mochtst nei de rjochter gean wolle, dan kin in skiedingsadvokaat of in skiedingsmediator dy dêrby stypje.
