In keapwenning ferdiele by in skieding

Wenjen blieuwe yn de keapwenning

As it hûs fan jim beiden is en ien fan jim der wenjen bliuwt nei de skieding, kin it sa wêze dat de oar útkocht wurde moat. Om te berekkenjen oft dat it gefal is, kinst dyn hûs taksearje litte. Ast witst wat it hûs wurdich is, kinst sjen oft de wearde heger is as de hypoteek. As dit sa is, dan is der oerwearde. En dat betsjut dat dejinge dy’t der bliuwt, de oar útkeapje moat. Meastal giet it dan om de helte fan de oerwearde. It kin ek wêze dat de taksaasjewearde leger is as de hypoteek. Yn dat gefal moat de helte fan de restskuld betelle wurde om de oar út te keapjen.

Doch dit allegearre wol yn oerlis mei dyn hypoteekferstrekker. Asto der allinnich wenjen bliuwst, komt de hypoteek op dyn namme. Dan nimst de hypoteek dus oer nei de skieding. Dat moat de hypoteekferstrekker goedkarre. Hy of sy sjocht dan ek oft je it allinnich betelje kinne en meie.