Taslaggen regelje by de skieding

Op it momint dat je skiede, hat dat mooglik ynfloed op de taslaggen dy’t je krije. Tink dêrby bygelyks oan soarchtaslach, hiertaslach of de bernetaslach.

Op dizze side fynst mear ynformaasje oer:

Op hokker taslaggen ha ik rjocht?
Wat feroaret der nei myn skieding?
It oanpassen fan taslaggen

Handige tsjeklist Belestingtsjinst

Hasto rjocht op taslaggen nei de skieding? Moatst in soad feroarje? De Belestingtsjinst hat in handige tool ûntwikkele dêr’tst maklik mei ûntdekst watst noch regelje moatst mei de Belestingtsjinst op it stuit datst skieden giest. Troch earst in pear fragen yn te foljen wurdt de tsjeklist op dyn situaasje basearre.

Tsjeklist Belestingtsjinst ynfolje

Op de site fan de Belestingtsjinst fynst mear ynformaasje oer taslaggen. Sa fine je der antwurden op fragen as:

Hoe sit it mei partneralimintaasje?
Is myn eks noch myn fiskale partner?
Wa betellet of krijt belesting werom?
Krij ik heffingskoarting foar myn bern?
Wat as it ynkommen fan myn eks noch meitelt?
Wy ferkeapje ús hûs mei-inoar – wêr moatte wy om tinke?

Belestingtsjinst oer taslaggen

Berekkenje de taslaggen dêr’tst rjocht op hast by

Op guon taslaggen hast pas rjocht as dyn skieding yntsjinne is én as jim op dat stuit skieden fan inoar libje. Soks jildt bygelyks foar soarchtaslach, berne-opfangtaslach en ferheging fan it budzjet dat foar bern bûn is. Om wizigingen troch te fieren yn dyn taslaggen, kinst ynlogge by de Belestingtsjinst. Der binne ek tools om te berekkenjen op hokker taslaggen oftsto rjocht hast, lykas by de Belestingtsjinst.

Taslaggen berekkenje

Bern bûn budzjet al by de skieding oanpasse

Bern bûn budzjet neamden wy eartiids bernetaslach. Bern bûn budzjet (kindgebondenbudget) is in taslach dy’tst krije kinst foar de kosten fan dyn bern ûnder de 18 jier. Hiest foar de skieding gjin rjocht op it bern bûn budzjet? Miskien krigest nei de skieding hjir wol rjocht op. Dit kin al foardat de skieding útsprutsen is, nammentlik sagau’tsto en dyn (eks)partner net mear op itselde adres ynskreaun steane. As je troud binne, is der in ekstra eask. Dan moat der ek in fersykskrift by de rjochtbank yntsjinne wêze. Mear ynformaasje oer it bern bûn budzjet fynst op de webside fan de Ryksoerheid.

Mear oer it rjocht op bern bûn budzjet