It opstellen fan it echtskiedingskonvenant

As je skiede sille is it wichtich om alles goed op papier te setten. Dit dogge je ûnder oare yn it echtskiedingskonvenant. Dit is in dokumint dêr’tst alle ôfspraken tusken dy en dyn (eks)partner yn fêstleist. Uteinlik leverje je dat dokumint yn by de rjochter, om de skieding offisjeel te meitsjen.

Op dizze side fynst mear ynformaasje oer:

Wat der allegear yn in echtskiedingskonvenant heart te stean
In foarbyld echtskiedingskonvenant
It fêstlizzen fan ôfspraken oer de bern

Echtskiedingskonvenant opstelle

Yn in echtskiedingskonvenant beneamst alles dêr ‘t jimme tegearre ôfspraken oer meitsje moatte. Jim stelle it sels op, of tegearre mei in advokaat of mediator. Yn it konvenant makkest ôfspraken oer de skieding. As it klear is, leverje jim dat yn by de rjochter. As de rjochter it goedkard hat (fêststelt), dan stean de ôfspraken fêst. Dit soarget derfoar dat der letter gjin misferstannen ûntstean oer saken dy’t jim bepraat hawwe by it skieden.

Tink by it opstellen fan in echtskiedingskonvenant oan ûnderwerpen lykas:

Wenje
Ynboel
Fersekeringen
Pensjoen
Besittingen en skulden

Download in foarbyld echtskiedingskonvenant

Hoewol ‘t elke skiedingssituaasje ferskillend is, wurde der oer in oantal standerttema’s ôfspraken makke. Download in foarbyld echtskiedingskonvenant by belastingtips.nl en brûk dy as paadwizer. It binne úteinlik jimme ôfspraken, pas it dokumint dêrom oan wêr nedich.

Foarbyld echtskiedingskonvenant downloade

Ofspraken oer jimme bern komme yn in âlderskipsplan

Ha jim bern? Dan is it ferplicht om in âlderskipsplan op te stellen. Hjiryn meitsje jim, leafst yn oerlis mei de bern, ôfspraken oer de bern. Bygelyks oer wêr’t se wenje sille, hoe’t jim omgean mei bûsjild en oare praktyske saken en hoe’t de kosten foar de bern ferdield wurde. Belangrike karren dy’t in soad ynfloed hawwe kinne op it libben fan jim bern. Besykje harren dêrom om dêrby sintraal te setten en dêr ‘t it kin te belûken yn de karren.

It opstellen fan in âlderskipsplan

Advys nedich by it opstellen fan in echtskiedingskonvenant?

In advokaat of mediator kin dy dêrby helpe.

Advokaat of mediator ynskeakelje by in skieding